Tumalon ng 8.95% ang CXMT Corp (688825) nitong Friday at nagsara sa 57.60 yuan (nasa $8.51), kaya tuloy-tuloy ang rally nito ng limang trading days sa Shanghai Stock Exchange.
Patuloy na lumalaki ang Chinese memory chipmaker CXMT nitong mga nakaraang araw mula nang mag-record sa initial public offering (IPO) noong isang linggo. Dahil dito, umabot na ang market cap nito sa nasa 3.54 trillion yuan, o nasa $523 billion.
Bakit Tuloy-tuloy ang Lipad ng CXMT?
Ang CXMT na ibig sabihin ay ChangXin Memory Technologies, nang-lista sa Shanghai’s STAR Market noong July 27. Umangat agad ang shares nito ng hanggang 466% nung unang araw. Dahil dito, in-overtake pa saglit ng CXMT ang Industrial and Commercial Bank of China bilang pinaka-valuable na listed company sa mainland China.
Dahil sa IPO, nakalikom ang CXMT ng 57.92 billion yuan o nasa $8.6 billion. Gagamitin daw ito para palakihin ang production at habulin ang technology gap nila versus foreign competitors.
Dalawang bagay ang nagpapalakas ng interest ng mga investor. Una, gusto ng Beijing maging self-sufficient ang China sa chips lalo na dahil mas mahigpit na ang US sa pagbebenta ng advanced semiconductor equipment sa kanila.
Kasabay nito, kulang na talaga ngayon sa dynamic random-access memory (DRAM) sa buong mundo — ito ‘yung chips na tumutulong sa mga device at AI models para mag-save at mag-process ng data — kaya ang dami sa supply nito ay napupunta na ngayon sa AI data centers.
Ano Nga Ba ang Ginagawa ng CXMT?
Na-establish ang CXMT noong 2016 at base sila sa Hefei. Hawak nila nasa 7.7% ng global DRAM market, kaya pang-apat sila sa pinaka-malalaking producer sa mundo. Sina Samsung Electronics, SK Hynix, at Micron Technology ang nagko-kontrol ng halos 90% ng market.
Ang focus ng CXMT ay paggawa ng mainstream memory chips para sa phones, laptops, at servers. Pero, medyo naiiwan pa sila sa High Bandwidth Memory (HBM) — ‘yung mas high-tech na chips na diretso ginagamit ng AI data centers. Sabi ng Counterpoint Research director na si MS Hwang, target ng CXMT na mag-supply ng HBM sa loob ng China pagdating ng 2027.
Sinasabing nagsimula nang mag-test ng chips ng CXMT ang Dell, HP, at Apple dahil gusto nilang mag-diversify at ‘di lang umasa sa Korean at American suppliers. Sobrang competitive kasi ng price. Pero may risk din ang deal na ito.
Inilista ng Pentagon ang CXMT sa mga kompanyang may koneksyon daw sa Chinese military, pero dine-deny ito ng kumpanya. Si Apple naman, gumagalaw na para makalobby sa Washington para ma-clear ang paggamit ng memory chips na gawa sa China.
Lumalakas ang CXMT sa kasagsagan ng tinatawag ng mga industry watcher na “RAMageddon” — matinding kakulangan ng memory chips para sa consumer devices na nag-papataas ng presyo ng smartphones ng Apple at nagpapakaba sa mga chip stocks mula Seoul hanggang Wall Street.
Hati pa rin ang mga analyst kung gaano kalaki ang maitutulong ng CXMT sa kakulangan ng chips. Kung gusto mo ng mas murang device, mukhang hindi pa agad mararamdaman ang epekto nito, kahit na grabe ang bilisan ng AI chip race ngayon.
