Binalaan ng European Central Bank (ECB) ang mga finance ministers ng EU na matindi ang risk kapag lumawak pa ang euro stablecoin dahil pwede nitong maapektuhan ang mga bangko. Sabi ng mga opisyal, kung mas marami ang mag-i-issue ng stablecoin, baka bumaba ang kakayanan ng mga bangko na magpahiram at humina rin ang epekto ng interest rate decisions ng ECB.
Galing ang babala matapos magpaikot ang Brussels-based think tank na Bruegel ng isang paper sa meeting ng mga finance official ng EU. Nag-suggest ang paper na luwagan ang liquidity requirements para sa mga issuer ng stablecoin at pag-aralan kung pwedeng makakuha sila ng pondo mula sa central bank.
Tinututukan ng ECB ang Risk ng Paglipat ng Deposito
Pinakamalaking concern ng ECB kung lumaki pa ang stablecoin market, baka maraming tao ang maglipat ng savings nila mula sa mga bangko papunta sa stablecoin. Kapag nabawasan ang deposits, mas kaunti ang ipapahiram ng mga bangko kaya lalong humihigpit ang pagpapautang sa eurozone. Lalo pang lalaki ang problema kung mas dadami pa ang nag-a-adopt ng stablecoin, hindi lang yung mga early adopter.
Sabi pa ng mga opisyal, pinapalala rin ng paglago ng private digital currency ang pag-manage ng interest rate policy. Kapag yung savings ng tao ay nasa stablecoin at hindi sa bangko, mas mahirap magpatupad ng interest rate decision ang ECB. Kasi nakasalalay ang monetary policy sa kung ano ang nangyayari sa deposit-backed lending system.
Dati nang nanindigan ang ECB na dapat higpitan ang MiCA rules para sa stablecoin, imbes na luwagan. Itong latest na babala ay direkta nilang sinabi mismo sa mga finance minister ng EU.
Epekto ng Dollar Dominance sa Debate
Na-motivate ang papel ng Bruegel dahil sa lumalakas na kontrol ng mga dollar-backed na token sa global crypto market. Sinasabi ng think tank na masyadong mahigpit ang mga batas ng EU sa ilalim ng Markets in Crypto-Assets (MiCA) kaya hindi nakakalaban ang mga issuer ng euro stablecoin kumpara sa mga dollar-based na token.
Para sa kanila, nagdudulot ito ng tinatawag nilang “digital dollarisation” na lalo pang nagpapalakas ng dollar sa global finance world.
Nagbabala rin ang mga EU official na dahil lumalago ang dollar stablecoinn, nanganganib humina ang papel ng euro sa mga cross-border na transaksyon. Mas gusto ng ECB na ang ipalit ay central bank digital currency na sila mismo ang maglalabas imbes na private na kumpanya.
Sinabi ni President Christine Lagarde na ang digital euro ay mahalagang parte ng plano para sa European finance infrastructure.
Pero kahit ganito, hindi naman napipigilan ang plano ng mga private company. Siyam na bangko ang naghahandang mag-launch ng sariling euro stablecoin gamit ang MiCAR sa 2026, at pinagdedebatehan ng mga policymaker sa EU kung dapat ba nilang luwagan ang MiCA para mas makasabay ang mga European issuer.
Sa ngayon, hindi pa malinaw kung anong direksyon ang pipiliin—kung uunahin ba ang stability ng finance o ang competitiveness ng mga euro-based na token laban sa mga dollar token. Kung anuman ang desisyon ng mga minister ay sigurado magdi-dikta sa takbo ng digital asset regulation sa Europe.
