Binanatan ni US Senator Bernie Sanders ang Google at tinawag itong parang pananakot kaugnay sa AI sa mga eskwelahan. Mag-o-off ang company ng Search para sa mga K-12 student account kasama na ang AI tools nila, kaya school admins na ang bahalang mag-activate nito.
Sabi ng Google, mas magkakaroon ng control ang mga eskwelahan dahil dito. Pero ayon sa mga kritiko, built-in ang AI features sa Search, kaya hindi puwedeng hiwalay na gamitin ang isa lang. Dahil dito, nagkakaroon ng political risk ang parent company na Alphabet sa core business nito.
Bakit Mawawalan ng Search ang mga Estudyante?
Noong November 3, in-announce ng Google ang update na ‘to. Magbibigay pa sila ng details para sa mga schools sa mga susunod na buwan. Hindi muna active ang Gemini, Gemini Notebook, Gemini in Classroom, at Search para sa mga studyante hangga’t hindi ‘to i-o-on ng school admins.
Kaso, balak ding mag-test ng Google ng homework mode sa loob ng Student Search. Kapag humingi ng tulong ang estudyante sa assignments, tutulong na mag-step by step guide ang AI Overviews (yung AI summary sa search results) at AI Mode, imbes na bigyan lang sila ng mabilisang sagot.
Nagiging mainit ang issue sa mga eskwelahang ayaw talaga ng AI. Sabi ni Chris Phillips, VP ng Google para sa education, yung mga schools na ‘to, hindi talaga magkakaroon ng Search access, ayon sa ulat ng CBS dito.
Bilang sagot, tinawag ni Sanders na pananakot ang polisiya ng Google at inulit ang panawagan niya na i-pause muna ang AI. Matagal na rin niyang gustong mag-full pause ng AI simula noong September.
Pwede bang Paghiwalayin ng Google ang AI at Search sa Mga Eskwelahan?
Ilang oras lang pagkatapos ng issue, naglabas ng paliwanag ang Google. Ayon sa company, pwede raw i-activate nang hiwalay ng schools ang Gemini, Gemini Notebook, at Search.
Pero, ayon sa isang community note, sinabi ng Google execs na mahigpit na magkadikit ang Search at AI. Ibig sabihin, kapag i-on ng mga schools ang Search, kasama talaga ang AI features at wala nang separate opt-out para dito, ayon sa note.
Sumali rin sa usapan si Lina Khan, dating chair ng Federal Trade Commission (FTC). Sa isang post niya sa X, sinabi niya na delikado talaga kapag isang malaking kumpanyang ‘di regulated ang may control sa mahalagang serbisyo na ganito.
Medyo sablay ang timing nito para sa Alphabet. Noong huling bahagi ng October, bagsak ang stock nila — pinakamalala sa loob ng 22 taon.
Habang tumatagal, lalong umiinit pa ang isyu sa AI sa schools at dumadagdag sa pressure sa Washington, kung saan pinag-uusapan na ng mga mambabatas kung dapat bang i-pause ang AI development. Binalaan din ni Sanders ang tungkol sa campaign money mula sa AI industry na pumapasok sa US politics.
