Sinubukan ng Erebor Bank na maka-attract ng mga crypto firm sa pamamagitan ng pagpayag sa mga kliyente nila na i-convert ang USDC at USDT papuntang dollars, at walang bayad pa ‘to — talagang face value. Pero makalipas lang ng ilang buwan, nagawan ng paraan ng mga professional trading firm tulad ng Wintermute at Galaxy Digital na kumita dito kaya ang Erebor Bank ang sumalo ng lahat ng gastos.
Mabilis na naging isa sa pinaka-pinag-uusapang bagong bangko sa Silicon Valley ang Erebor. Backed ‘to ng Anduril co-founder na si Palmer Luckey at balak umabot ng $8 billion na valuation, gusto nilang maging top choice na bangko ng mga crypto, AI, at defense-tech companies.
Paano Naging Easy Money ang Freebie ng Erebor Para sa mga Trader
Simple lang ang trade dito. Yung mga stablecoin gaya ng USDT, minsan nabibili ’yan sa market ng medyo mas mababa sa $1. Normal sa mga ganyang token na may dagdag na fee kapag gusto mong gawing actual dollars. Halimbawa, si Tether nagcha-charge ng at least $1,000 o 0.1% para sa direct redemption.
Pero sa Erebor, ino-offer nila sa customers na $1 kaagad kada token — walang fee. Ibig sabihin, pwedeng bumili ang trading firm ng USDT na mas mura sa $1, papadala nila sa Erebor, tapos makukuha nila ang buong value ng $1 — yung difference, kita nila agad.
Kahit maliit na cents lang yan per trade, malaki ang impact kapag milyon ang volume ng trades.
Ayon sa The Information, ginawa mismo ito ng Wintermute gamit ang milyon-milyong halaga ng USDT. Sabi rin ng sources, pati Galaxy Digital sumali sa stablecoin redemption trades gamit ang Erebor.
Dumating din sa point na sinabihan na ng Erebor ang mga firm tulad ng Wintermute na itigil na. Tinanggal din ng bangko ang free conversions para sa customers na walang malaking deposit, at naglagay na rin sila ng volume-based fees at limits.
Sabi ng representative ng Wintermute: “Tuloy pa rin ang business namin with Erebor at mahalaga sa amin ang relationship na ’to,” base sa reports ng The Information.
Natututo ang Erebor sa Mga Pasikot-sikot ng Crypto Banking
Lumabas ang issue na ’to habang isa sa mga pinakabagong bangko sa America ay naghahanda magsara ng $1.5 billion fundraising na abot $8 billion ang pre-money valuation, ayon ulit sa The Information. Isa sa mga nagba-back sa Erebor si Palmer Luckey ng Anduril.
Yung business nila, nakatutok talaga sa mga sektor kung saan madalas mahirapan ang traditional banks, gaya ng mga tech, payments, investment, at defense company — kasama na mga crypto firm. Approved ang Erebor ng FDIC para magtrabaho sa ganyang industry. Open talaga model nila para sa stablecoin deposits at withdrawals pero ang hawak ng bangko ay dollars.
Kaya naging malakas na selling point ang free conversion sa simula.
Pero dahil dito, nagkaroon ng opportunity ang mga professional trader na i-exploit ang price difference. Sa crypto markets, kahit maliit na barya lang ang pagitan ng presyo, pwedeng maging business model na yan kapag malaking pera na ang umiikot.
