- Mas inuuna ngayon ng mga seryosong investor ang tokenized real-world assets, stablecoins, institutional trading systems, at mga AI-linked compute network.
- Nakakaranas pa rin ng matinding hirap ang mga allocator pagdating sa custody, banking access, compliance, legal structure, due diligence, at internal reputation risk.
- Layunin ng mga platform tulad ng Arcanum na gawing mas madali ang pagpasok ng capital gamit ang investor control, real-time reporting, documented strategies, at fund access sa mismong exchange.
Sa isang exclusive na interview kasama ang BeInCrypto sa Hong Kong Web3 Festival, nagkwentuhan sina Michael Ivanov (CEO ng Arcanum), Ciara Sun (founder at managing partner ng C² Ventures), at Ivan Ivanov (founder ng UVECON.VC at RWA SUMMIT) tungkol sa kung paano pumapasok ang capital sa crypto pagdating ng 2026.
Napag-usapan nila ang mga family office, demand mula sa mga allocator, operational na mga hadlang, tokenized real-world assets, at yung trust gap na namamagitan pa rin na dahilan kaya mabagal pa rin ang pagsali ng mga institution.
Buksan na natin ‘yung mga topic.
Ano ang Hinahanap ng Mga Seryosong Investor sa 2026
BeInCrypto: Kumusta ba ang journey ng capital papasok ng crypto base sa pananaw mo?
Michael Ivanov: Para kang dumadaan sa madaming lubak at batuhan.
Ciara Sun: Ilang taon na ang nakalipas, pumasok ang karamihan ng investor sa crypto para lang ma-expose at umaasa sa malaking kita. Ngayon, mas hinahanap na nila yung may totoong demand at gusto rin nila mas maintindihan kung paano gumagana ang liquidity.
BeInCrypto: Anong mga oportunidad sa crypto ang hanap ng mga seryosong investor pagdating ng 2026?
Ciara Sun: Ang mga seryosong investor sa 2026, tinitignan nila yung mga sector kung saan may nasosolve na totoong problema ang crypto — hindi lang puro bagong hype. Base sa experience ko sa exchanges at venture investing, pinaka-interesado sila sa tokenization, stablecoins, institutional trading systems, at sa mga project na nag-cocombine ng AI, compute, at energy sectors.
BeInCrypto: Ivan, anong klase ng capital ang pinaka-interesado ngayon?
Ivan Ivanov: Depende kung anong crypto ang pinaguusapan. Kailangan nating ihiwalay ang BTC, ETH, mga altcoin, at tokenized real-world assets. Iba-iba rin kasi per region.
Nasa Hong Kong ako, kaya pamilyar ako sa Asian market. Maingat talaga ang mga family office dito pagdating sa digital assets. Ayon sa isa sa pinakamalaking Asian multi-family office, mas mababa sa 5% ng capital ng mga client nila ang napupunta sa crypto, at karamihan nito ay napupunta sa BTC, ETH, at mga ETF.
Ibang usapan naman ang funds. Pinaka-active dito yung mga hedge fund na focus sa crypto asset management. Madalas pinipili ng mga investor yung mga licensed at kilala na sa market.
Interested din naman talaga ang mga institution sa digital asset investments pero sobrang maingat sila. Malamang, sa next two years, mangunguna yung tokenized RWAs kasi regulated ‘to, may matibay na basehan, at protektado ng batas.
Ano ang Nangyayari Kapag Pumasok ang Capital sa isang Platform tulad ng Arcanum
BeInCrypto: Kapag naglagay ng capital ang isang family office sa platform na kagaya ng Arcanum, ano ba talagang nangyayari sa proseso?
Michael Ivanov: Kahit retail o institutional ka, mabilis mo nang magagamit ang produkto namin. Sa Pulse, ilalagyan mo lang ng API keys ang Telegram Mini App namin — tapos na agad ang proseso. Di na namin kailangan ng madaming pirma-pirma para magamit ng mga office yung tool namin.
Para sa mga client na gusto kay Arcanum na ipa-manage ng buo ang funds nila, may dalawang option kami. Una, puwedeng license agreement na may malinaw na profit-sharing terms. Pangalawa, joint company na may required na capital para gumana yung setup. Kailangan talagang flexible kapag ganitong klaseng client.
Bakit Nagkakaroon ng Lakas ng Loob ang Mga Investor
BeInCrypto: Ano ‘yung nagpapalakas ng loob ng mga investor na maglagay ng capital sa crypto ngayon?
Ciara Sun: Kailangan makita ng mga investor na kayang i-deliver ng team at may disiplina sila. Karaniwan, lalakas ang tiwala kapag may totoong traction na nakikita, malinis ang token at cap table design, at may malinaw na plano papunta sa liquidity o actual na kita.
Tamang tanong para sa mga investor ay kung mabubuhay ba ang team at marunong i-manage ang risk, pati kung kaya pa nilang lumago kapag nag-iba ang cycle.
BeInCrypto: Ivan, ano ba ang nagiging pangunahing batayan kung bakit nagiging investable ang isang crypto project para sa mga allocator?
Ivan Ivanov: Dapat may substance, may track record, maganda ang legal structure, at protektado ang karapatan ng investor. Tapos na yung panahon ng ICOs — parang mas gumagaya na ang market sa traditional finance at venture capital ngayon.
Paano Tinulungan ng Arcanum ang Mga Allocator na Makapasok sa Crypto
BeInCrypto: Paano ba natutulungan ng Arcanum na maging mas madali ang pagpasok ng mga allocator at investor sa crypto?
Michael Ivanov: Laging malinaw ang strategies at methods na in-ooffer namin — simple lang yung pinaka-key points. Sa Pulse, sobrang helpful ng historical data bilang batayan kung may potential ba na kumita. Halos automatic din ang buong proseso, tapos real-time mo pang namo-monitor. Malinaw talaga lahat.
Gumagana ang Pulse gamit ang Bybit subaccounts na hawak ng mga allocator, kaya never umaalis sa kanila ang pera. Anytime, accessible yan sa user.
Susunod naming goal — mas pinalawak na ecosystem: sarili naming broker, bagong algorithms (tulad ng Wave), sariling trading terminal na may mas murang commission, at early access sa mga bago naming produkto. Bibigyan namin ng madaling entry point ang mga investor sa isa sa pinakamalaking exchange, tapos design na yung ecosystem para manatili pa silang aktibo kahit tapos na sila mag-umpisa.
Saan Naiipit ang Capital
BeInCrypto: Saan ba talaga naiipit ang capital bago magamit, kahit may interest na ang mga investor?
Michael Ivanov: Para sa mga project tulad ng sa amin, may apat na pangunahing hadlang: custody, mandate, due diligence, at sizing.
Malaking challenge yung custody kasi hindi magtitiwala ang institutions na ipa-hawak ang assets nila sa counterparty na hindi nila kayang i-audit. Problema rin yung mandate, kasi madami pa ring fund na walang allocation for crypto — aabutin pa ng buwan bago ma-approve yan.
Challenging din ang due diligence — bumabagsak madalas ang crypto products sa institutional review kapag kulang sa documentation o validation mula sa third party. Yung sizing rin, barrier pa rin — kung walang inaasahang risk model, di rin ma-decide ng allocator kung magkano ang ilalagay nilang capital.
BeInCrypto: Ivan, para sa mga allocator na gustong magpasok ng traditional capital sa crypto, ano ang pinakamatinding challenge?
Ivan Ivanov: Ang compliance talaga ang malaki ang role, pati na yung reliability ng mga system sa paligid nito. Dahil sa mga recent na DeFi exploit, nababawasan ang tiwala ng tao. Mas tingin ng iba, mukhang mas reliable ang mga centralized exchange at mga provider, lalo na kapag licensed talaga sila.
Malaking hadlang din ang mga tradisyunal na bangko. Hanggang ngayon, hirap pa rin ang mga kumpanya pagdating sa pag-handle ng crypto assets. Subukan mong magbukas ng bank account sa Hong Kong at sabihin mong gusto mong gamitin ang pondo ng kumpanya para mag-invest sa crypto—malaki ang chance hindi ka ma-approve, kahit pa licensed ang provider na kasama mo.
Ang mga pangunahing problema talaga ay nasa banking, investor protection, at compliance.
BeInCrypto: Ciara, saan pa kaya madalas nababawasan ang confidence ng investors kahit malakas ang proyekto?
Ciara Sun: Sa detalye nagkakatalo. Kahit maganda yung idea ng project, madalas humina ang tiwala ng investors kapag hindi malinaw yung token design, magulo yung plano kung paano ipo-push sa market, o di kayang ipaliwanag ng team kung paano nila ima-manage ang liquidity, revenue, at risk.
Bakit Patok ang mga Platform Gaya ng Arcanum Para sa Mga Allocator
BeInCrypto: Bakit kaya swak para sa mga allocator ngayon ang mga platform tulad ng Arcanum?
Ivan Ivanov: Yung track record talaga ang importante. Nagtatrabaho din ang Arcanum kasama ang isa sa mga market leader na Bybit, at may official partner status pa sila dito.
Kapag nalagay ng Arcanum yung tamang setup na compliant at malakas ang security, privacy, investor protection, at solid na reputation sa market, siguradong papasok ang capital dito.
BeInCrypto: Ciara, pagtingin mo ba sa Arcanum, access ba siya, capital management, o market technology?
Ciara Sun: Para sakin, access at technology pareho. Pinapasimple ng Arcanum yung access ng users sa automated trading strategies gamit ang trading bot services, tapos nandoon pa yung robust na execution at risk management. Importante talaga sa mga trader yung maayos na risk management at transparency—bukod pa sa kita, siyempre.
BeInCrypto: Michael, paano mo ipinapakilala ang Arcanum sa mga B2B partners, allocator, at private investor?
Michael Ivanov: Sa akin, parang di bagay yung “positioning” kasi bawat audience may kanya-kanyang specific na problema na tinutulungan namin.
Yung mga B2B partner, pwede nilang gamitin ang white-label model para mas mabawasan ang gastos nila sa pag-run ng sarili nilang branded na product. Para sa mga allocator, meron silang real-time stats at mabilisan na fund management. Yung mga private investor, makakagamit din sila ng platform at makakasali pa sa mainit na community ng mga trader namin.
Control, Reporting, at Transparency
BeInCrypto: Paano hinahandle ng Arcanum ang control, reporting, at transparency para sa mga investor?
Michael Ivanov: Para sa amin, straightforward lang yan. Yung iba, architectural solution na, at yung iba, sa user interface na mismo.
Sa basic setup, full control ng clients yung pondo nila sa sarili nilang subaccounts sa exchange. Ang Arcanum, nagbibigay ng monitoring at nag-ooperate ng strategy gamit ang solutions nila. Nasa ibabaw kami ng exchange, so user-friendly ang experience.
Sa transparency kami pinaka nagfo-focus, kasi dito naglalag ang maraming crypto product pagdating sa institutional review. Binibigyan namin ng clear history bawat trade at dokumentadong data ng strategy na gamit.
BeInCrypto: Ciara, gaano ba kaimportante para sa investor yung operational transparency pag nag-assess sila ng crypto opportunities?
Ciara Sun: Sobrang importante. Sa crypto, tanggap ng investors yung risk, pero ayaw nila ng “black box” setup. Yung transparency, nakakabuild yan ng trust base sa performance.
Importante sa investors na alam nila kung nasaan ang pondo, paano ginagawa ang mga decision, anong risk ang hinahandle, at puwede bang mapatunayan yung result ng numbers.
BeInCrypto: Ivan, ano pa ang kailangan maintindihan ng family offices bago sila maging at ease na mag-allocate?
Ivan Ivanov: Dapat maintindihan nila paano sila legally protected at siguraduhin na maayos ang structure ng lahat ng bagay.
Pinakamahal na Hadlang
BeInCrypto: Ano ang pinaka-mataas ang cost na hadlang para makapasok ang institutional capital sa crypto ngayon?
Michael Ivanov: Rekado sa loob mismo ng institusyon ang pinakamahal na hadlang—reputational risk talaga.
Lahat ng allocation kailangan pumasa sa boards at mga committee. Bumaba pa rin ang tiwala sa info mula sa crypto projects, lalo na kung bago lang ito. Kahit interesado ang mga tao, walang gustong unang mag-risk ng kanilang pangalan para dito.
Malaki talaga ang cost nito pero hindi obvious. Makikita ito kapag may mga deals na hindi natutuloy o allocations na paulit-ulit na na-uusog sa next quarter.
BeInCrypto: Ciara, ano naman ang biggest hidden cost para sa mga seryosong investor na pumapasok sa market?
Ciara Sun: Operational burden talaga ang biggest hidden cost dito. Yung mga seryosong investor, kailangan nila ng custody, compliance, reporting, risk control, liquidity planning, at minsan, token unlock management pa. Marami talagang hindi naiisip na ito yung madalas nakakapagod na part.
BeInCrypto: Ivan, anong kailangang magbago para mas mabilis mag-move ang capital ng mga allocator?
Ivan Ivanov: Banking infrastructure talaga ang kailangan. Dahil sa bagong regulations sa iba’t ibang bansa, naniniwala ako na kapag regulated at compliant ang stablecoin system, sasaluhin nito ang maraming problema sa galawan ng capital.
Saan Naman Pupunta ang Demand?
BeInCrypto: Sa tingin niyo, anong crypto sectors kaya ang kukunin ng matitinding investor sa 2026?
Ciara Sun: Yung totoong kapital sa 2026 mapupunta sa sectors na ginagawang real financial or operating tech ang crypto. Pinaka-focus sa tokenization, stablecoins, institutional trading and liquidity systems, at AI-related compute at energy networks.
BeInCrypto: Ivan, saan mo nakikitang pinaka-malakas na demand ng allocator sa susunod na taon?
Ivan Ivanov: Halos siguradong sa tokenized RWAs. Dito dadalhin ng mga trad player at mga bangko ang investors nila.
BeInCrypto: Michael, saan mo inaasahan na manggagaling ang strongest demand para sa Arcanum?
Michael Ivanov: Ina-expect namin na manggagaling ang pinaka-matinding demand mula sa Asian allocators at fund of funds.
Sanay na silang pumasok sa crypto at normal na ilalagay nila y’ung capital nila sa quant trading funds na maraming strategies. Fit na fit yung ginagawa namin sa workflow na gamay na nila.
Sa US, kahit marami nang inaasahang batas, kulang pa rin yung transparency para gumalaw ang mga desisyon ng malakihan doon. Sa Asia, mas malayo na ang progress.
Trust ang Number One
BeInCrypto: Ano dapat ma-improve muna para mas maraming pera ang pumasok sa crypto?
Ivan Ivanov: Kailangan talaga ng tiwala sa crypto market at sa mga player dito. Andaming hindi pa rin mapagkakatiwalaan sa space ngayon.
Ciara Sun: Tiwala pa rin. Maraming kapital ang papasok kapag mas transparent, mas malinis ang risk management, at mas maaasahan na yung mga sistema pagdating sa custody, compliance, liquidity, at reporting.
Ang pinaka-kailangan ngayon ay yung kumpiyansa na pwedeng pumasok, gumalaw, at lumabas ang kapital nang ligtas.
Michael Ivanov: Sa crypto, ang tiwala na talaga ang parang gold. Kailangan pa ring paghirapan yan, kahit sobrang linaw at transparent na ang project.
