Ang Nvidia (NVDA) ang nagbebenta ng chips na nagpapatakbo sa kasalukuyang artificial intelligence (AI) hype. Pero ngayon, tumutulong na rin silang mag-raise ng pera para makabili ng ganyang chips. May kumakalat na balita na $500 billion na financing package kasama ang anim na bigating kumpanya mula Wall Street, at kung mangyari ‘to, mas titibay ang bagong role ng Nvidia.
Unang inilabas ng Financial Times ang balita nitong Lunes, at kinumpirma rin ng Reuters. Pero bumaba pa rin ng 2% ang presyo ng NVDA, at naging nasa $218. Sa totoo lang, ‘yung pagbagsak na ‘yun ang totoong kwento dito.
Follow niyo kami sa X para laging updated sa mga balitang nangyayari real time
Silipin ang $500 Billion AI Deal na Binubuo ng Nvidia
Mga bigating pangalan ang kasama rito. Sabi ng Reuters kasama ang Apollo Global Management, Blackstone, BlackRock’s Global Infrastructure Partners, Brookfield Asset Management, Goldman Sachs, at KKR. Ang pondo, gagamitin para sa mga data center, power plant, at chips mismo.
Pwede nang i-announce ang deal sa loob ng ilang araw. Lihim pa rin ang eksaktong structure nito. Di pa rin klaro kung gaano kalaki ang stake ng Nvidia rito. Balita rin na lahat ng kasali na kumpanya, either tumanggi mag-comment o tahimik lang.
Saktong-sakto ang laki ng deal sa laki ng demand. Ayon sa Reuters, maglalabas ang Big Tech ng higit $730 billion ngayong taon para sa AI. Problema pa rin ang power supply, na kitang kita sa bago nilang rules sa Texas para sa data centers.
Bakit Bumagsak ang NVDA Stock Kahit Bullish ang Headline?
Hindi sa laki ng pera ang problema, kundi kung saan talaga napupunta ang pondo.
Silipin ang mga galaw na ginawa ng Nvidia lately. Naka-raise sila ng $25 billion sa bond sale ngayong June — una nila ulit mula pa 2021. Plano din nilang mag-invest hanggang $3 billion sa Lancium, ayon sa The Information report.
Ang Lancium ay power developer na nasa likod ng Stargate AI campus sa Texas. Noong nakaraang linggo, sinuportahan ng Nvidia ang Firmus sa pag-raise nito ng $2 billion sa $10.5 billion na valuation.
Lahat ng perang ‘yan, may chance na bumalik rin sa Nvidia bilang orders ng chips. May nagsa-suggest na circular financing ito — parang supplier ginagastusan ang mismong customers niya, na siyang bumibili rin ng products niya. Kapag paikot-ikot ganito, mas mahirap makita kung gaano talaga kalakas ang real demand.
Nakita na ng merkado ang ganitong eksena noon. Noong late 1990s, nagpa-utang ang mga telecom giants na Lucent at Nortel ng bilyon sa sarili nilang customers. Lutang sa ganda ang orders, hanggang sa bumagsak ang dot-com. Nu’ng sunod, nalugi sa utang at bagsak na ‘di na naka-recover ang stocks nila.
Kaya ‘yon din ang dahilan kung bakit nag-panic nu’ng Lunes. Sumadsad sa halos $218 ang NVDA, sabay pa sa malawakang usapan tungkol sa AI bubble.
Bakit Matindi pa rin ang Bullish View ng mga Analyst sa Nvidia
Hindi pa rin natitinag ang Wall Street dito. Sa TipRanks data, makikita na 36 sa 37 na analyst, Buy pa rin ang rating nila sa NVDA. Isa lang ang nagsabing Hold, at wala ni isa nagsabing Sell. Yung price target, mula $250 hanggang $500, at ang average ay $308.69. Ibig sabihin, base sa platform, may potential pa na tumaas ng 49.24%.
Sa side naman ng mga bull, pinapakita nila yung demand na walang halong financial engineering. Tulad ng ginawa ng SpaceX na nag-commit ng AI systems nila exclusively para sa Vera Rubin architecture ng Nvidia.
Darating ang “referee” sa August 26 — dito magre-report ng quarterly earnings ang Nvidia. Inaasahan ng mga analyst na nasa $91.8 billion ang revenue nito at $2.08 ang earnings per share. Halos doble ito kumpara sa kita nila nung nakaraang taon. Sigurado, pagtatanungin nang matindi kung gaano kalaki sa demand na ‘yan ang talagang galing sa sarili nilang pera.
Parang i-te-test ng $500 billion package kung kaya ba talagang bayaran ng AI buildout ang sarili nito o nakaasa lang talaga sa balance sheet ng Nvidia. Malalaman natin ang sagot sa mga detalye ng deal kapag lumabas na ‘yan.
