Ililipat ng Metaplanet ang 2,100 Bitcoin (BTC) at $2.5 milyon na cash papunta sa Super League, isang maliit na Nasdaq-listed na gaming media firm. Ang deal na may halagang $134.6 milyon na inanunsyo nitong Martes, ay magbuo ng US treasury vehicle na tatawaging Superplanet.
Dahil dito, papasok ang Metaplanet sa market na si Michael Saylor ang nagpasimula — dating MicroStrategy, ngayon tinatawag na Strategy. Pero may matinding tanong din: Bakit biglang kailangan ng pinakamalaking corporate Bitcoin holder ng Japan ng American money?
Ang Lihim sa Bitcoin Move ng Metaplanet sa Nasdaq
Bibili ang Metaplanet ng shares sa presyo na $3.00 kada isa para makuha ang 95.7% na kontrol sa Super League. Mababago ang pangalan ng kumpanya, magiging Superplanet, at gagamit ng ticker na SUPA. Makukuha rin ng Metaplanet ang control sa board, at lahat ng shares na matatanggap nila, five years munang hindi pwedeng galawin.
Matagal nang pinlano ang move na ito. Noong Setyembre 2025, nag-invest ang Evo Fund (sponsor din ng Metaplanet) ng $10 milyon sa Super League. Dahil dito, nabawasan ang utang ng Super League at naresolba ang compliance issues nila sa Nasdaq. invested
Puwede pang lumaki ang move na ito — kaya pang idagdag ng Metaplanet hanggang $210 milyon via preferred stock sa loob ng 24 months pag natuloy na ang deal. Target nila mag-close ng deal sa fourth quarter ng 2026 pero depende pa ito sa boto ng shareholders at okay ng regulators mula sa Japan at US.
Pinaliwanag ni CEO Simon Gerovich ng Metaplanet na expansion talaga ang habol nila, hindi dahil sa naipit sila.
“Nabuo namin ang isa sa pinakamalaking Bitcoin treasury sa mundo mula Japan. Ang Superplanet paraan ito para mag-build kami sa America, na pinakamalaki at pinakamalalim ang capital market… Iisang Bitcoin position ito, na nagco-compound gamit ang dalawang listed platforms: isa sa Japan, isa sa U.S.,” sabi sa announcement nila na nag-quote kay Gerovich.
I-follow kami sa X para sa pinaka-latest na crypto news
Hindi Ba Kayang Pondohan ng Japan ang Bitcoin Ambisyon ng Metaplanet?
Simple lang ang sagot: Hindi ito kwestyon ng drama. Matagal na nagfa-fundraise ang Metaplanet sa Tokyo gamit ang warrants, bonds, at benta ng shares. Gamit ang perang ‘yon, nakabili sila ng 43,000 BTC — pangatlong pinakamalaking corporate holdings sa mundo.
Pero may kulang ang Japan — wala silang market para sa perpetual preferred stock. Ito yung klase ng permanent capital na backed ng Bitcoin, na di na kailangan bayaran pabalik.
Proven at sobrang laki ang market sa US. Halimbawa, MicroStrategy nagpa-debut ng STRC preferred stock na nag-raise ng $2.5 billion noong July 2025. Nadagdagan pa ito ng $7.5 billion ngayong taon base sa latest report ng Strategy. Actually, mas maganda pa nga ang performance ng preferred shares nila kesa Bitcoin nitong nagdaang taon kahit bagsak ang MSTR stock.
Diyan din papasok ang Metaplanet. Si Strategy hawak niya 840,447 BTC — halos 20x compared sa bitcoin na hawak ng Metaplanet.
Pangit nga lang ang timing. Nitong buwan, nagbenta ng 1,690 Bitcoin ang MicroStrategy para maisalba ang STRC, na nasa ilalim ng $100 na face value. Lagpas $1 billion na ang nagastos ng Strategy sa preferred dividends. Pareho ring nanganganib na maalis sa MSCI index ang dalawang kumpanyang ito. sold 1,690 Bitcoin MSCI index removal threat
Makikita agad ang tunay na test kapag magbebenta na ng first preferred shares ang Superplanet. Kapag pumatok ito sa US investors, siguradong susunod din ang ibang treasury companies sa uso. Pero kung hindi, parang nagbayad ang Metaplanet ng $134.6 milyon para matutunan kung bakit si Saylor pa rin ang hari sa market na ‘to.
