Nagsisimula na ang MSCI ng consultation para sa isang proposal na aalisin ang mga “non-operating companies” sa Global Investable Market Indexes (GIMI) nila. Kapag natuloy ito sa simulation para May 2026, matatanggal dito ang Strategy at Metaplanet. Maging ang uranium holding company na Yellow Cake PLC ay matatanggal din.
Ang MSCI, na dating tinatawag na Morgan Stanley Capital International, gumagawa ng stock market indexes na ginagamit ng mga fund manager sa buong mundo para magdesisyon kung anong stocks ang bibilhin at ilang porsyento nito ang hahawakan nila. Kapag binago ang eligibility rules, puwedeng mapilitan magbenta o bumili ang mga index-tracking funds na may hawak na trilyong dolyar na assets, kasi kailangan nilang gayahin ang laman ng MSCI indexes.
Ano ang Target ng Bagong Rules?
Ang proposal na ito ay magdadagdag ng mga financial ratio test para mahuli agad ang mga kumpanyang parang investment fund na ang galawan, imbes na parang normal na company na may operations. Una, iche-check kung ang mga operating assets ng company ay higit sa kalahati ng balance sheet nila.
Kumpanyang babagsak dito ay isasailalim sa panibagong test na may limang sukatan—kasama dito ang operating asset intensity, cash flow, at kung gaano kalaki ang dependence nila sa outside capital para mag-grow. Kapag bumagsak sila sa apat sa limang tests na ito, hindi na sila papasa para sa index.
Gamit itong rules na ‘to, ang Bitcoin-buying model ng Strategy—na halos nagra-raise lang ng equity at utang para bumili ng BTC imbes na para sa software operations—ay hindi papasa sa bagong criteria. Ganon din ang kaso para sa Metaplanet, ang Tokyo-listed firm na gumawa ng ikatlo sa pinakamalaking corporate Bitcoin (BTC) treasury sa mundo, kadalasan gamit ang share issuance nila.
May Buffer at Public Watchlist Din
Gusto ng MSCI na mapanatili ang stability ng index kaya mas maluwag ang threshold para sa mga kasalukuyang company na nasa index kumpara sa gustong pumasok pa lang. Kailangan muna bumagsak ang isang company sa screen ng dalawang magkasunod na taon bago ito tanggalin, imbes na isang beses pa lang.
May tatlong additional na company, kasama ang Ethereum treasury firm na SharpLink, na mapupunta sa bagong public watchlist para sa May 2026 simulation. Bumagsak sila sa latest filing check lang, kaya tatanggalin lang sila kapag bumagsak ulit sila sa susunod na taon.
Yellow Cake, na may hawak ng pisikal na uranium imbes na nag-ooperate bilang normal na business, bumagsak din sa parehong criteria tulad ng dalawang Bitcoin treasury firms kahit wala naman silang kinalaman sa crypto markets.
Hanggang September 30 ang consultation period ng MSCI. Inaasahan ng company na ma-announce ang resulta sa October 16, at kung may mabago, mangyayari ito sa November 2026 Index Review.
Maaaring mag-set ito ng example kung paano iha-handle ng mga index provider ang tumataas na bilang ng public company na nag-a-adopt ng digital assets bilang pangunahing strategy para sa kanilang treasury.
