Matibay pa rin ang presyo ng mga oil stock kahit na nababawasan na ang war premium mula sa presyo ng crude oil. Mukhang may mas malalim pa kaysa sa nakikita sa headlines kung bakit matatag pa rin ang mga ito.
Lalo pang naging bullish ang options positioning sa United States Brent Oil Fund (BNO) nitong simula nang ma-extend ang ceasefire noong April 22. May 3 dahilan kung bakit ganito ang iniisip ng mga trader ngayon.
Bakit Tumataya pa rin ang Options Traders sa Oil Kahit Bumababa na ang War Premium
Makikita ang bullish sign sa oil stocks lalo na sa options positioning ng United States Brent Oil Fund (BNO), isang ETF na sumusunod sa galaw ng Brent crude futures.
Noong March 25, habang ang Brent ay tumataas sa ibabaw ng $105 kasagsagan ng tensyon sa Iran, nasa 0.24 ang BNO open interest put-call ratio kaya apat na call options ang bukas sa bawat isang put. Tinatawag itong war-premium na positioning at expected na mangyari yun.
Gusto mo pa ng ganitong insight? Mag-sign up sa Daily Newsletter ni Editor Harsh Notariya dito.
Pagkatapos nito, nagkaroon ng ceasefire extension noong April 22 at nawala na halos ang war risk. Kung sa Hormuz shock lang tumataya ang mga trader, dapat pataas na ang ratio habang nagsasara na sila ng positions.
Pero kabaligtaran ang nangyari. Bumagsak ang open interest ratio sa 0.17, halos anim na call options sa bawat isang put. Lalo pang lumiit ang daily activity, umabot ang volume ratio sa 0.05.
Ang mas bullish na positioning kahit na wala na halos ang war scare ay hindi ga’noon ang kilos ng mga naghe-hedge lang. Ang mga trader dito ay mukhang nagrererenew ng bets at willing magbayad kahit tumataas na ang presyo ng options, na nasa top 12% ng historical levels nila ngayon.
Ibig sabihin, kahit pababa na ang short-term driver tulad ng war news, naniniwala ang traders na may mas malalim na dahilan kung bakit nag-stay firm ang options flow. May tatlong dahilan ‘to at bawat isa ay konektado sa iba-ibang oil stock.
Malalaking Pondo ng Institutions Papasok sa ExxonMobil
Kitang-kita sa ExxonMobil (XOM) ‘yung signal na nanggagaling sa BNO.
Noong nagsimulang mawala ang war premium nitong April 17 dahil sa unang ceasefire announcement, bumitaw ang XOM mula sa early April high at bumaba sa 100-day Exponential Moving Average (EMA)—isang trend line na sumusukat sa average price ng nakaraang 100 araw. Pero nag-hold support sa 100-day line, at nag-bounce pabalik sa ibabaw ng $149 noong April 23.
Walang masyadong panic sell o FOMO buy na nangyari. Steady lang ang buying volume mula pagbaba hanggang sa recovery kaya parang tuloy-tuloy ang accumulation ng stock.
Kinumpirma ito ng Chaikin Money Flow (CMF), isang indicator na sinusukat kung malalaki bang institusyon ang pumapasok o lumalabas ng stock.
Simula April 8 hanggang April 20, bumagsak ang XOM pero pataas naman ang CMF, classic na sign na mga pro buyers ang sumasalo sa bagsak.
Pati Wall Street napansin din ito. Noong April 10—kasabay ng paglamig ng Iran tension at nagsimula nang mabawasan ang Hormuz premium—ni-reiterate ni TD Cowen analyst Jason Gabelman ang kanyang Buy rating sa XOM, bumaba lang ng kaunti ang target niya mula $175 naging $172. (source)
Simple lang ang rason dyan. Nagbigay ang ExxonMobil ng $37.2 billion sa mga shareholders nito noong 2025: $17.2 billion na dividends at additional $20 billion pa na share buybacks.
Nangako pa ang management na bibili ulit sila ng $20 billion shares ngayong taon. Kada beses na ganito kabilis magbalik ng pera sa investors ang isang company, natural na naglalagay ito ng floor sa presyo ng stock kahit mag-fluctuate pa ang presyo ng oil.
Kung makuha ng XOM nang malinis ang $150 at tuloy-tuloy sa $155—ang unang Fibonacci level na tinitingnan ng mga traders—pwede na itong bumulusok paakyat sa $163.
Pero kapag bumaba sa $141, magbe-break ang 100-day EMA at puwedeng bumagsak pa hanggang $131 o $114 — yan ang susunod na malalalim na support zone.
Gaya ng February 3 ang Setup ng Valero Stock
Pati ang Valero Energy (VLO), isang US company na ang tanging ginagawa ay gawing gasolina, diesel, at jet fuel ang crude oil, ramdam din ang epekto ng pagbaba ng war-premium.
Bumagsak din ang presyo ng VLO mula sa peak nito noong early April, pero mabilis ulit itong umakyat at lampas na sa 50-day EMA. Sa ngayon, sinusubukan nitong i-break ang 20-day EMA sa $235.
Medyo mahina pa ang buying volume habang umaakyat uli ang presyo. Para makasiguro na tuloy-tuloy ang next na akyat, kailangan ng VLO ng malinis na break above sa 20-day EMA na may kasamang malakas na volume. Huling nangyari ito noong February 3, at mula noon, umakyat ng 41.65% ang stock. Solid pa rin ang uptrend mula mid-December dahil nananatiling lampas ang presyo sa 50-, 100-, at 200-day EMA.
Sa fundamentals naman, hindi kailangan mag-spike ang oil price para kumita ang mga refiners. Ang kita nila ay galing sa agwat ng presyo ng binili nilang crude oil at presyo ng mga binebenta nilang gasolina, diesel, at jet fuel. Ang tawag dito ay crack spread.
Ngayon, nasa all-time high ang mga crack spread na yan.
Ayon sa Oil Market Report ng International Energy Agency nitong April 2026, 1 million barrels per day ang mababawas sa global refinery output sa 2026. Kahit bumaba ang crude prices, magiging tight pa rin ang fuel market.
Nagbigay din ng kumpirmasyon ang Goldman Sachs noong April 20 bago maglabas ang Valero ng Q1 earnings. Isa ang Valero sa tatlong energy dividend stocks na dapat i-hold ngayon, ayon sa kanila, dahil sa malakas nitong refining margins at planong magbalik ng nasa $5 billion sa shareholders pagsapit ng 2026.
Kung malinis ang break above $237 na may malakas na volume, puwedeng sumilip ang presyo papunta sa $252 at $263 — yan ang susunod na Fibonacci levels na binabantayan ng mga trader.
Pero kapag bumagsak sa $214, hindi na valid ang setup at puwedeng matesting ang 100-day EMA sa $208.
Puwedeng Mag-Break Above $126 ang ConocoPhillips Bago ang Earnings
Pangatlo sa listahan ang ConocoPhillips (COP). Pure oil and gas play ito na nakatutok sa pagkuha ng crude oil mula lupa, karamihan sa Texas Permian Basin, at may solid din na international portfolio.
Umatras ang COP papuntang $112 nung naranasan ang war-premium deflation, pero bawi agad pataas at lumampas ulit sa $121 — yan ang unang importanteng level. Nasa $122 ang presyo nito noong April 23, tumaas ng 1.95%.
Nasa 0.09 ang Chaikin Money Flow at bumalik ito sa taas ng zero line. Ibig sabihin, dinadagdagan pa ng mga institutional investor ang mga posisyon nila imbes na nagbebenta.
Pareho rin ang kwento ng COP put-call ratio. Noong April 6, nasa 0.75 ang ratio ng puts sa calls para sa open contracts at 0.76 naman ang araw-araw na activity.
Pagsapit ng April 22, bumagsak na lang sa 0.36 ang daily activity, habang nanatili sa 0.72 ang open contracts. Mas kaunti na ang umaasa na babagsak ang presyo ng stock — pareho ng napansin sa BNO.
Simple lang din ang fundamentals. Nagbabawas ng gastos ang mga oil company sa buong mundo sa paghahanap at pagbabarena ng bagong oil wells. Kapag kaunti ang drilling ngayon, mas maliit ang supply balang araw.
Efficient din gumalaw ang ConocoPhillips — kaya nilang magpatuloy mag-generate ng cash kahit $70 lang ang presyo ng crude, habang yung ibang mga kumpanya napipilitang magbawas ng operasyon.
Maglalabas ang COP ng Q1 2026 earnings sa April 30 bago magbukas ang market. Nasa pinakamataas na rating sa Zacks Investment Research ang stock, Rank #1 Strong Buy, at ayon sa kanilang earnings surprise model, posible ang positive surprise na nasa 16%. Malaki ang chance na higitan ng company ang expectations ng mga analyst. Project din ng Zacks ang 17.5% na earnings growth para sa 2026.
Kapag malinis ang break above $126, na susunod na mahalagang Fibonacci level, puwedeng umakyat pa sa $135 o higit pa ang presyo. Pero pag bumulusok sa ilalim ng $112, hindi na valid ang setup at puwedeng magpakita ng mas malalim na support zones.
