Dalawang XRP Ledger network ang mabubura ang laman sa November 25 matapos mag-crash ang server na gamit sa critical testing — dahilan para hindi na ito maayos pa.
Lumabas ang announcement habang nahihirapan ang XRP malapit sa $1.03, kaya napapa-isip ang community kung lalo pang babagsak ang kumpiyansa ng mga investor dahil rito.
Pero, hindi maaapektuhan ang totoong XRP holdings at mga tunay na transaction dito.
Bakit Irere-set Ng XRP Ledger ang Mga Network Nito?
Irere-set ng Ripple ang dalawang network na tinatawag na Testnet at Devnet sa November 25 sa pagitan ng 5 p.m. at 6 p.m. Pacific Time, ayon sa XRP Ledger Operations.
Parang practice space lang ang mga network na ‘to. Ginagamit ng mga developer para mag-test ng bagong payment system at features sa blockchain — no real money involved.
Nagsimula ang problema nang mag-crash ang server na nagtatago ng buong transaction history ng Testnet. Sabi ng Ripple, hindi na talaga mare-recover ang server hangga’t hindi ito ire-reset.
Ngayon, nagdadagdag na ang company ng storage space para hindi na maulit ang ganitong sitwasyon.
Permanenteng mabubura ang lahat ng test accounts, transaction records, balance, at trading setup kapag nangyari na ang reset na ‘to. Kaya kailangan magrebuild ulit ang mga developer ng test environment nila.
“Testnet at Devnet lang ang apektado ng reset. Magpapatuloy pa rin nang normal ang iba pang network tulad ng Mainnet,” kumpirma ng official announcement.
Ibig sabihin, tuloy-tuloy pa rin ang pagpapadala, pagtanggap, at pag-trade ng XRP tokens ng mga users.
Nangyari na rin dati ang ganitong reset. Na-reset din nang maayos ng Ripple ang Devnet noong October 2025 kagaya ng naibalita noon.
Apektado ba ng XRP Ledger Reset ang Presyo ng XRP?
Nagte-trade ang XRP sa bandang $1.03 noong November 12, matapos bumagsak ng mahigit 15% ngayong linggo.
Hindi maganda ang timing para sa mga investor. Habang hirap na ang XRP dahil sa selling pressure, puwedeng lalo pang tumaas ang pagdududa dahil sa usapan online tungkol sa major network reset na ‘to.
Pero wala namang ebidensya na ang maintenance na ito ang dahilan ng mga recent na pagkalugi ng XRP.
Hindi nababago ng reset ang supply, pagmamay-ari, o takbo ng mismong main network ng XRP, kaya dapat maliit lang ang direct na epekto sa presyo ng token.
Pwede pa ring maapektuhan sa short term ang sentiment kung malito ang traders at isipin na naapektuhan din ang main blockchain.
Para sa mga investor, ang importanteng date ay November 25. Kung magiging successful ang reset, mawawala na ang problema sa infrastructure. Pero kung magkaroon ng technical na aberya, baka magkaroon ulit ng bagong isu.
Sa huli, overall crypto market sentiment pa rin ang malaking factor sa galaw ng presyo ng XRP.
