Umabot na sa $131.7 billion ang cash at short-term investments ng Anthropic noong June 30, lumampas pa sa pinagsamang hawak ng Nvidia at Apple ayon sa CNBC. Kapag sinama ang lease at mga obligasyong gastusin, aabot sa $587 billion ang total na kailangan nilang bayaran.
Kadalasan, ina-order na ni Anthropic ang karamihan ng kanilang compute o computing power kahit 12 hanggang 18 buwan pa bago nila magamit. Dahil umaasa si Claude sa chips ng Nvidia, Amazon, Google, at AMD, pwedeng maapektuhan ang mga shareholder nila kapag dumating na ang singil.
Sapat ba ang Cash ng Anthropic Para sa Mga Kailangan Niyang Bayaran?
Ipinasa ng Anthropic ang S-1 registration nito sa Securities and Exchange Commission (SEC) nitong Lunes, bilang paghahanda para sa initial public offering (IPO). Sa filing nila, makikita ang $112.4 billion na cash at equivalents, at dagdag pang $19.3 billion sa short-term investments.
Ayon sa CNBC at S&P Capital IQ, tanging Berkshire Hathaway at Alphabet lang ang mas mataas ang cash reserves kumpara kay Anthropic sa mga non-bank U.S. companies.
Pero makikita sa filing na aabot sa $321.4 billion ang kabuuang undiscounted obligations nila para sa leases na hindi pa nagsisimula. Kapag sinama pa ang guaranteed spending minimums, dagdag na $265.6 billion pa ‘yan.
Halos 22% lang ng $587 billion total ang kaya talagang sagutin ng cash reserves nila. Pero para hindi ma-pressure agad, yung mga terms ng bayarin eh aabot hanggang 20 years kaya paunti-unti lang din babayaran.
Yung mga kontrata na pinirmahan o ni-revise pagkatapos ng June 30, may minimum payments na halos $245 billion. Hindi pa naglalabas si Anthropic ng mas updated na total ayon sa CNBC.
Samantala, umabot ng $16.3 billion ang revenue nila sa unang kalahati ng taon. Nakapagtala si Anthropic ng $693 million operating loss pero may $1.6 billion na adjusted operating income — sarili nilang basehan ng kita.
Nakasaad din sa filing na may take-or-pay terms ang compute agreements nila, ibig sabihin, kailangan nilang magbayad kahit hindi nila magamit yung capacity nila.
Sino Talaga ang Makakatanggap ng IPO Proceeds?
Sabi ng CNBC, base sa reports na puwedeng umabot sa $100 billion ang offering, posibleng lumagpas sa $230 billion ang total cash. Pero dahil nagbebenta ang mga existing investors sa IPO, hindi marereceive ng Anthropic ang buong halaga.
Walang matatanggap si Anthropic mula sa bentahang ‘yon at gagamitin nila ang sarili nilang kikitain para sa general company purposes, lalo na sa compute.
Sa kabilang banda, nag-apply na rin si Anthropic sa Nasdaq Global Select Market gamit ang symbol na ANT. Sabi ng CNBC, baka dalawang linggo pa at malaman ang kompletong detalye ng offering.
May ilang cloud suppliers din na gumagawa na ng sarili nilang artificial intelligence (AI) models, na tinukoy ng filing bilang risk ng Anthropic. Sa totoo lang, mas malaki pa nang higit apat na beses ang obligasyon ni Anthropic kaysa sa cash nila ngayon. Kaya kailangan nilang tustusan ang gap na ‘yan hanggang 2045 — either magpatuloy sa revenue growth, maghanap ng fresh capital, o pareho.
